Álfheiður í eldinn fór

Vinstri grænir völdin stór
vildu Grímsa tryggja.
Álfheiður í eldinn fór
Ömmi hann má liggja.

Ekki sanngirni að við borgum, en...

Gamalt skyr þeir gefa nú

Gamalt skyr þeir gefa nú
grænt og soldið blandað.
Þeim sem áttu orkubú
og útrás hafa landað.

Grænu skyri slett í HÍ

Í hítina þær henda fé

Í hítina þær henda fé
og hófið ekki finna.
Þó tónlistin í tjóni sé
og töpuð mikil vinna.

Tekist á um Tónlistarhús

Toppmaður er Tryggvi Þór

Toppmaður er Tryggvi Þór
töldu menn um daginn.
Norðurí land hann feitur fór
og fékk að prófa slaginn.

Skora á Tryggva Þór í formannskjör

Ekki er sopið kálið

Brestur flótti í bankalið
bagalegt er málið.
Útrás veitir engin grið.
Ekki er sopið kálið.

Fjöldaflótti frá Kaupþingi?

L er fyrir landhelgi

L er fyrir landhelgi.
"Lokað fyrir öðrum."
Þörf er fyrir þjóðhelgi
og þögn frá EB-nöðrum.

L-listinn boðar framboð til alþingiskosninga

Á letigarðinn leita ég

Á letigarðinn leita ég
frá lymskubrögðum símans.
Þar er vistin þægileg.
Þar er Magga Frímanns.

Óminnishegri við Litla-Hraun

Lætur hunda þefa

Löggan stundum læðist hljótt
lítið bundin sefa.
Löngum skundar létt um nótt.
Lætur hunda þefa.

Sex handtekin vegna fíkniefnamáls

Árni Páll og Eggertsson

Árni Páll og Eggertsson
af sér sýna snilli.
Laga málin lon og don
og leggja sig á milli.

Dagur í varaformanninn

Margt er sér til gamans gert

Margt er sér til gamans gert.
Gleðin burt mun fjúka.
Holdið stinnt og holdið bert
helst þeir vilja strjúka.

Margir fóru í hundana

Bara prófa. Sjá hvort þetta virkar.

Sulluðu í sætindum
og sungu í takt við lundana.
Met var sett í mætingum
og margir fóru í hundana.

Metþátttaka á hundasýningu

Milljónum þeir moka út

Milljónum þeir moka út
en milljarðarnir sleppa.
Enginn sér neinn á þeim sút.
Eflist núna kreppa.

120,5 milljónir í viðbót

Ég er afi minn

Gekk hann þar um göturnar
með galið skilti.
Bjánalegur Balti var.
Brást hann pilti.

„Ég er vandræðaunglingur“

Koma bráðum kreppujól

Koma bráðum kreppujól
kaupmen gráta mikið.
Undan renna fólki fól
sem finnst það vera svikið.

 

Ákært á ný í Baugsmálinu

Undir hatti Haga

Undir hatti Haga
hefur Finnur skjól.
Unir alla daga
enda bráðum jól.

BT verslanir undir hatt Haga

Ráðamenn funda fram á nótt

 

Ráðamenn funduðu fram á nótt.
Finnst það víst ekki mikið.
Ekki er núna öllum rótt
og einhver fer yfir strikið.

Ráðamenn funduðu fram á nótt

Á kamrana ef komast þeir

Á kamrana ef komast þeir

kerfið er í lagi.

Úr rössunum þá rýkur leir

og rennur burt með þvagi.

Skrásetja klósettferðir

Á englajörð fá engan frið

Á englajörð fá engan frið.

Ekki heldur lakkið.

Íslandskrónum gefur ei grið

gráðugt Baunapakkið.

Slæm vinnuaðstaða á D'Angleterre

Kjötbollur í kreppunni

Kjötbollur í kreppunni

kannski vil ég borða.

Ekki sitja í súpunni

en sjávardýrum forða.

Kreppukjötbollur

Útúrdrukkinn elgur var

Útúrdrukkinn elgur var.

Um hann slettist drullan.

Allmjög hann af öðrum bar

er hann drakk sig fullan.

Drukkinn elgur réðist á stúlku