Ökumaður æsti sig

Ökumaður æsti sig

ólmur sletti grjóti.

Réttarverðir ræsktu sig

og rúlluðu á móti.

Missti stjórn á skapi sínu

Tvöföld neitun er jákvæð, nema stundum

Í mér hef ég ekki geð

öfga að skoða fúla.

Aldrei hef ég ekki séð

umdeilt bloggið Skúla.

Óánægja með lokun umdeilds bloggs

Til Bessastaða bílstjórar

Til Bessastaða bílstjórar

bruna um fréttasali.

Lúnar mæta löggurnar

og lempa þá með hjali.

Bílstjórar fóru með friði

Er ekki allt í lagi með aumingja bankana?

Þegar bankar þarfnast mín

þá er hart í ári.

Merkið rauða skært þó skín.

Skelfilegur fjári.

Lánshæfiseinkunn Glitnis lækkar

Beinið spænska birtist þar

Beinið spænska birtist þar

brúnt sem eldhúsraftur.

Vondslegrar til veraldar

var það hrifið aftur.

Mannsbein fannst á Fjallaskaga

Dauðir þar daprir stara.....

Dauðir þar daprir stara,

dimmt er í hrímþokum.

Lilli þá lætur fara

að líta eftir plastpokum.

Látnir tína upp plastpoka

Hvern fjandannn hafast þeir þar að?

Óli bóndi á Bessastað

býður Abbas þangað.

Þar höfðingjarnir hafast að

og hefur alltaf langað.

Abbas heimsækir Ísland

Þó unglingar í tjöldum títt

Þó unglingar í tjöldum títt

tapi sínu viti.

Er vonandi að verði hlýtt,

væta smá og hiti.

Hlýindi í kortunum í sumar?

Ég bara spyr. Hafa þau einhver superlaun?

Laun og risnu Rúnu Stef

og rukkun Gunnars Tóta.

Um það grun ég engan hef.

Eða hvers þau njóta.

Pukur ekki að undirlagi ráðherra

Sinan brennur seint um kveld

Sinan brennur seint um kveld

sýnist fátt til varna.

Þegar krakkar kveikja eld

kárnar fljótt að tarna.

Fjöldi sinubruna

Lenti í sjónum bíllinn blár

Lenti í sjónum bíllinn blár,

blotnaði allur saman.

Ekillinn var ofsaklár

og ósköp fannst það gaman.

Bond bíllinn hafnaði í sjónum

Upp er boðin eignin þín

Upp er boðin eignin þín,

sem ætti að vera bannað.

Bankinn leysir brátt til sín

bæði hús og annað.

Fleiri nauðungarsölur

Í Hallargarði hollir vinir

Í Hallargarði hollir vinir

hafa stofnað sig.

Ekki megi auðmannssynir

eignum ríða á slig.

Hollvinasamtök Hallargarðsins stofnuð

Lærðir menn í listinni

Lærðir menn í listinni

leitast við að telja.

En líkið er í lestinni

og langar alla að kvelja.

Hugsanlegt að talning tefjist

Lenti prins í lystigarð

Lenti prins í lystigarð,

lofnar þráði mótið.

Af inngöngu samt ekki varð

ólmt þó væri spjótið.

Prinsinn lenti í garði kærustunnar

Sælir fóru sund í höll

Sælir fóru sund í höll

er sváfu laugarverðir.

Fara burtu áhrif öll

eftir slíkar ferðir?

Skelltu sér í nætursund

Skíðakóngur skaut sig í skávinkonu hennar

Ellu stendur oft af því

ógnir tvennar, þrennar.

Skíðakóngur skaut sig í

skávinkonu hennar.

 

Er ekki kærasta Ivica Kostelic!

Ég hefði víst átt að linka svona

 

Fyrrum voru framsettar.

Nú feta lostaveginn.

Fátækar og fáklæddar

fyrir krakkagreyin.

Fáklæddar og skuldsettar

Vísa um vatn

Til stendur að krakkarnir (ekki þeir spænsku) komi í mat í kvöld og ég uppgötvaði að ekkert gos er til. Það má afsaka á eftirfarandi hátt.

Hollustan og heilbrigðið

hafa tekið völdin.

nú veitum bara vatnssullið

það virkar best á kvöldin.

 

En  nú er ég búinn að kaupa Pepsimax, svo vísan er eiginlega ómark.

Í tilefni af forsíðufrétt í Sólarhringnum (24 stundum)

Fyrrum voru framsettar

nú feta lostaveginn.

Fátækar og fáklæddar,

fyrir krakkagreyin.