Sem Geirharður ég gleði finn.

Sem Geirharður ég gleði finn.

Gengið er að lagast.

Endalokin enn um sinn

eitthvað munu dragast.

Gengi krónunnar styrkist mikið

Orðsending

 

Úps, ég sé að það er talsvert af athugasemdum hér, sem ég vissi ekki af. Takk fyrir það öllsömul. Flestar eru þær mjög jákvæðar.

Sennilega lít ég eitthvað niður á þetta vísnahnoð. Sumar vísurnar eru kannski sæmilegar, en margar ósköp lélegar. Eiginlega er ekki hægt að svara vísum efnislega, því stundum taka rímið og stuðlarnir völdin. Ég er samt ekki að neita ábyrgð á þessu, en sumt mundi ég vilja segja öðruvísi.

Á aðalblogginu mínu (saemi7.blog.is) skoða ég alltaf athugasemdir strax. Svara þeim kannski ekki, en veit af þeim. Gestabókin mín þar týndist um daginn og ég skoða hana líka sjaldan. Stundum líða dagar án þess að ég skoði póstinn minn. Ég er bara svona, en er alltaf að reyna að bæta mig.

Marar hús í hálfu kafi

Marar hús í hálfu kafi.

Hagar það sér eins og kista.

Á því leikur enginn vafi

ein er byrjuð hátíð lista.

Húsi sökkt í Tjörnina

Nú frjálslyndir fara á skrið

Nú frjálslyndir fara á skrið.

Fórnar sér Magnúsar lið.

Endemis óþjóðalýður

óðar í burtu þá skríður.

Sviptingar á Akranesi

Út í flugvél æddu sein

Út í flugvél æddu sein,

ekkert mátti bila.

En tagaloggið talar ein

og týndur komst til skila.

Gleymdu barninu á flugvellinum

Ungir tjalda ekki fá

Ungir tjalda ekki fá

óðri valda neyslu.

Ölið kalda eiga þá

og aðra halda veislu.

Yngri en 23 ára bannað að tjalda nema í fylgd með fullorðnum

Flauminn stöðvar Flytjandi

 

Flauminn stöðvar Flytjandi

fer hans bíll á hlið.

Byltist þar um beljandi

brjálað vatnaflóðið.

 

Já, ég veit að rímið er ekkert sérstakt í þessu, en það eru bara svo fáir sem nenna að kíkja á þetta, ef ég geri ekki nýjar vísur.

Ofsaflóð rauf hringveginn

Æ, ég man aldrei hvort það er Farmall eða Ferguson

Glaðbeittur er Giggsarinn.

Gleði mikil núna.

Feikikátur Farmallinn,

fékk við þetta trúna.

Manchester United er enskur meistari 2008

Vindar blása í vestrinu

Vindar blása í vestrinu.

Vaskir burtu farnir.

Í Bush-landinu bláköldu

býsna litlar varnir.

Fárviðri í Bandaríkjunum

Sjáum hvað í Britney býr

Sjáum hvað í Britney býr.

Brosleg gerast stríðin.

Whitney lögin voða rýr.

Vonlaus músik hríðin.

Berst við Whitney

Það er ekki hægt að pissa hvar sem er

Athygli hann óðar hlaut,

allir mikið hissa.

Inn á staðinn þegar þaut

og þurfti bara að pissa.

„Þurfti bara að pissa"

Má lögreglan vera á nagladekkjum við svona aðstæður?

Í Öxnadal er afleit færð

ekkert komið sumar.

Vegagerðin alveg ærð,

en  sig löggan plumar.

Fjórir hafa keyrt út af vegna hálku á Norðurlandi

Ólafur segir:

Kenningar í kaupsmálum

kynna vil ég þarfar.

Of mikið í útlöndum

eru þessir skarfar.

Aldrei er of mikið mótmælt

Ökutækjum akandi

andmæla með kappi.

Vegnar Sturlu vonandi

vel í þessu stappi.

Mótmælunum hvergi nærri lokið

Kobbi framhandleggur

Óli Magga eflir sitt

anda- líkt og steggur.

Kominn yfir kjörborð mitt

Kobbi framhandleggur.

Spurt um ráðningu Jakobs Frímanns

Konunum klappar á lær

 

Konunum klappar á lær

klerkurinn sómakær.

Útúr því eitthvað fær

ef hann svo faðmar þær.

Ég get eiginlega ekki linkað þetta í neitt

Vísnablogg til vinsælda

virðist henta gumum.

Ánægju það ómælda

ætti að veita sumum.

Ég segi nú bara svona, til að segja eitthvað

 

Séra Gunnar settist uppá DV

sem var dáldið skrýtið svona fyrst.

Virtist hafa súperlatívt CV

og sagðist hafa faðmað þær og kysst.

 

Meint áreitni stóð í mörg ár

Bónusgrísinn bólgnar út

Eins og Már Högnason segir, svona kveðskap má aldrei taka of bókstaflega.

 

Bónusgrísinn bólgnar út,

bjargráð valda ótta.

Jóhannes með sorg og sút

sést á hröðum flótta.

 

Vöruverð í lágvöruverslunum hækkar um 5-7%

Eins og okkur þykir nú leiðinlegt að lemja menn. Og svo fáum við ekki krónu fyrir það

Ógnvænlegt var ástandið

og ákaflega skrýtið.

Því bílstjórana börðum við

bara pínulítið.

Það sem gerðist var óumflýjanlegt